~~META:
title = Пятрусь Макаль — Яблыня
&keywords = расце
&abstract = Верш Петруся Макаля "Яблыня"
&iftrue = nan
~~

====== Пятрусь Макаль — Яблыня ======
Пасадзіў калісьці на світанку\\
Яблыньку малую каля ганку.\\
– Хай расце.\\
\\
Працаваць мне хмара памагала –\\
Клапатліва глебу палівала.\\
– Хай расце.\\
\\
Я і сонца ў зімнюю часінку\\
Сагравалі кволую сцяблінку.\\
– Хай расце.\\
\\
Хутка я з кватэры пераеду.\\
А ўраджай знімаць майму суседу.\\
– Хай расце.\\
\\
Пэўна, недзе ля другога дому\\
Садзіць дрэўца друг мой незнаёмы...\\
– Хай расце.

 


===== Падобныя старонкі =====
  * [[творы/эдзі-агняцвет/эдзі-агняцвет-яблыня]]
  * [[ibdc.ped>саджанцы]]
  * [[ibdc.ped>лясная-карміцелька]]
  * [[ibdc.ped>яблынька-дзічка]]
  * [[творы/анатоль-вярцінскі/анатоль-вярцінскі-яблыня-ў-горадзе]]