~~META:
title = Пятрусь Макаль — Схаваю цацкі
&keywords = буквар, рад, цацкі
&abstract = Чытаць верш Петруся Макаля "Схаваю цацкі"
&iftrue = nan
~~

====== Пятрусь Макаль — Схаваю цацкі ======
Я схаваю цацкі ў шафу –\\
І мядзведзя,\\
І жырафу,\\
І акулу,\\
І зубра:\\
– Вам на пенсію пара!\\
Адпачніце ў цішыні,\\
Мне цяпер –\\
Не да гульні!..\\
\\
Вось ён –\\
Новы мой набытак:\\
Карандаш,\\
Буквар\\
І сшытак.\\
Вокладка на буквары,\\
Быццам дзверы дома.\\
Ну, а хто тут жыхары?\\
Літары, вядома.\\
Стракацяць\\
За радам рад,\\
Нібы выйшлі на парад\\
Глянеш –\\
Позірк стоміцца.\\
Але ўсё ж\\
Я вельмі рад\\
З імі пазнаёміцца.

 


===== Падобныя старонкі =====
  * [[творы/пятрусь-макаль/творчасць-петруся-макаля]]
  * [[творы/пятрусь-макаль/пятрусь-макаль-два-кубкі]]
  * [[творы/мікола-гіль/мікола-гіль-маміна-казка]]
  * [[творы/пятрусь-макаль/пятрусь-макаль-поле-поле]]
  * [[творы/пятрусь-макаль/пятрусь-макаль-смак-яблыка]]