~~META:
title = Пятрусь Макаль — Смак яблыка
&keywords = Макаль, смак, яблык
&abstract = Чытаць верш "Смак яблыка" Петруся Макаля
&iftrue = nan
~~

====== Пятрусь Макаль — Смак яблыка ======
Ён трошкі і як лёд, і як агонь, —\\
Не толькі вуснаў, і душы патрэба.\\
Узважваю, паклаўшы на далонь,\\
Духмяны пругкі плод зямлі і неба.\\
\\
Няўжо і праўда Еву спакусіў\\
Каварным богам падасланы д’яблік?\\
Яе зубамі род людскі ўкусіў\\
Упершышо сарваны з дрэва яблык.\\
\\
Учьтнак Евы — пам усім урок:\\
Не збочыла,\\
Хоць усявышні скнара\\
Гразіў жанчыне, што за гэты крок\\
Смяротная яе чакае кара...\\
\\
Калі б не подзвіг твой, прамаці Ева\\
(За што табе на ўсе вякі хвала!),\\
Не вабіла б тваіх нашчадкаў дрэва,\\
Што дорыць нам плады дабра і зла.\\
\\
Скажыце, хіба не мацней за страх\\
Смак адкрыцця, якім патомкаў будзім?\\
Ерэтыкі згаралі на кастрах,\\
Агонь якіх высвечваў праўду людзям.\\
\\
Цяжар пазнання, быццам дынаміт,\\
Я валаку, працягваючы пошук:\\
Адпой рукой —

арбіт міжзорных кошык,

Другой —

кашолку атамных арбіт.

\\
...Клубок праменняў, трапяткі камяк\\
Сарвеш — і спеласць зазвініць у жмені.\\
Укусіш яблык — і адчуеш смак\\
Святла і цемры, вечнасці ў імгненні.

 


===== Падобныя старонкі =====
  * [[творы/аляксей-пысін/аляксей-пысін-яблык]]
  * [[творы/васіль-хомчанка/васіль-хомчанка-яблык]]
  * [[творы/юрась-свірка/юрась-свірка-яблык]]
  * [[ibdc.ped>яблычнае-зярнятка]]
  * [[ibdc.ped>саджанцы]]