~~META:
title = Пятрусь Макаль — Роднае слова
&keywords = слова
&abstract = Чытаць верш "Роднае слова" Петруся Макаля
&iftrue = nan
~~

====== Пятрусь Макаль — Роднае слова ======
Калі я засмягну ад спёкі,\\
дазволь мне табе пакланіцца,\\
крыніца, –\\
роднае слова...\\
Калі заблуджуся ў дарозе,\\
не моўкні ў бацькоў на парозе,\\
цябе я здалёку пачую,\\
матчына слова.\\
Калі анямею раптоўна –\\
дык не навекі! –\\
голас мне вернуць не лекі,\\
а крэўнае слова.\\
Хай нават аглушыць бітва,\\
адновіць мой слых не малітва,\\
а бацькава слова.\\
Калі растваруся ў натоўпе,\\
дзе твару твар не знаходзіць,\\
аблічча маё адродзіць\\
айчыннае слова.\\
Лёсу майго кірунак,\\
долі маёй выснова,\\
як паратунак, –\\
матчына слова,\\
бацькава слова,\\
роднае вечнае слова!

 


===== Падобныя старонкі =====
  * [[творы/іншае/слова-пра-паход-ігаравы]]
  * [[творы/рыгор-крушына/рыгор-крушына-слова]]
  * [[слоўнік/слова]]
  * [[ibdc.ped>хто-ж-аўтар-слова-пра-паход-ігаравы]]
  * [[ibdc.ped>роднае-слова]]