~~META:
title = Пятрусь Макаль — Прыпяць
&keywords = &rarr, прыпяць, свірка, мятліцкі, чарот, грачанікаў, \r\nці, анатоль, &ndash, анатоль грачанікаў
&abstract = Чытаць верш "Прыпяць" Петруся Макаля
&iftrue = nan
~~

====== Пятрусь Макаль — Прыпяць ======
Здалася ты мне з вышыні трапяткой,\\
З глухой самалётнай шыбы\\
Сасновай галінаю,

да якой,

Як гнёзды, прыліплі сялібы.\\
\\
Хоць вабяць уладна другія краі,\\
Усё ж я іду на зніжэнне.\\
Рака мая, кожнаю кропляй крыві\\
Адчуў я тваё прыцяжэнне!\\
\\
На беразе – купамі сена капцы.\\
Глядзіш – і здаецца, што гэта,\\
Лугі пагаліўшы, прыселі касцы\\
Спачыць да наступнага лета.\\
\\
Чакай, я бліжэй да цябе падыду!..\\
Разгледзець здаля немагчыма.\\
Ці вербы пялёхкацца выйшлі ў ваду,\\
Ці мыюць бялізну жанчыны...\\
\\
I ці не ад поту сялянскага ты\\
Зрабілася рыжаю, Прыпяць?\\
Маўчыць. Расцягнула гармоняй плыты,\\
Каб рытмы рабочыя рыпаць.

 


===== Падобныя старонкі =====
  * [[творы/анатоль-грачанікаў/анатоль-грачанікаў-прыціхне-ў-прыцемках-]]
  * [[ibdc.ped>палесся-абрус-аксамітны]]
  * [[творы/юрась-свірка/юрась-свірка-журботны-працяг-песні]]
  * [[творы/мікола-мятліцкі/мікола-мятліцкі-прыпяць]]
  * [[творы/міхась-чарот/міхась-чарот-прыпяць]]