~~META:
title = Пятрусь Макаль — Поле, поле...
&keywords = Макаль, поле
&abstract = Чытаць верш Петруся Макаля "Поле, поле..."
&iftrue = nan
~~

====== Пятрусь Макаль — Поле, поле... ======
Поле, поле,\\
У сваім прыполе\\
Колькі цудаў ты прыносіш мне!\\
Да пары, як змагары ў падполлі,\\
Тояцца зярняты ў баразне.\\
У раллі вільготнай валаконцы\\
П’юць жывую сілу — сок зямны.\\
Час праб’е — і пікамі да сонца\\
3 цемрадзі праклюнуцца яны.\\
Выстаіць у полі войска хлеба —\\
Мускулістых каласоў атрад,\\
Хоць свае налёты робіць з неба\\
Бамбардзір цяжкі —\\
Грымотны град.\\
Навальніца ніву палівае,\\
I маланку-тэлеграму мне\\
Адбівае\\
Пошта палявая:\\
«Ураджай даспеў на цаліне».\\
Мы ўзышлі,\\
Нібы зярняты,\\
3 поля,\\
I ўпадзём ізноў у поле мы.\\
Поле,\\
У тваім замкнёным коле\\
Нашы душы, думы і дамы.\\
Сплю ў каменным сховішчы кватэры.\\
Але што там бухае, як цэп?\\
Хто так гулка стукаецца ў дзверы?\\
Гэта ты, пасланнік поля —\\
Хлеб.

 


===== Падобныя старонкі =====
  * [[ibdc.ped>вытаптаны-хлеб]]
  * [[ibdc.ped>хлеб-для-партызанаў]]
  * [[ibdc.ped>хлеб-3612]]
  * [[творы/янка-брыль/янка-брыль-сірочы-хлеб]]
  * [[ibdc.ped>хлеб]]