~~META:
title = Пятрусь Макаль — Пахне раніца парай...
&keywords = раніца, травы
&abstract = Чытаць верш Петруся Макаля "Пахне раніца парай..."
&iftrue = nan
~~

====== Пятрусь Макаль — Пахне раніца парай... ======
Пахне раніца парай,\\
Якая над лугам дыміцца,\\
Пахне хмарай,\\
З якой зашуміць навальніца.\\
Пахне золкай расою,\\
Якую не выпілі травы;\\
Пахне вострай касою,\\
Якая спацела ад справы;\\
Пахне тупатам ног,\\
Што спяшаюць да гулкіх дарог;\\
Пахне шоргатам шын,\\
Хоць яшчэ і не чутна машын...\\
Растаюць туманы,\\
Золак шчодра святло рассыпае.\\
Пахне раніца поўднем,\\
Які ўслед за ёй наступае.

 


===== Падобныя старонкі =====
  * [[ibdc.ped>вясновая-раніца]]
  * [[ibdc.ped>раніцою]]
  * [[творы/авяр-ян-дзеружынскі/авяр-ян-дзеружынскі-летняя-раніца]]
  * [[творы/язэп-пушча/язэп-пушча-раніцу-шчэбет-пільнуе]]
  * [[творы/якуб-колас/якуб-колас-раніца-вясною]]