~~META:
title = Пятрусь Макаль — Пакліч у госці сонца
&keywords = свяці, вышыні
&abstract = Чытаць верш Петруся Макаля "Пакліч у госці сонца"
&iftrue = nan
~~

====== Пятрусь Макаль — Пакліч у госці сонца ======
Калі на сэрцы хмарна,\\
Калі ў душы зіма,\\
Не вохкай, дружа, марна\\
I не ўздыхай дарма.\\
\\
Не зеляней ад злосці\\
У смутку і журбе –\\
Пакліч ты сонца ў госці,\\
Як друга да сябе.\\
\\
Насустрач небасхілу\\
Далоні працягні –\\
I спусціцца свяціла\\
У дом твой з вышыні.\\
\\
Дружы з блакітнай казкай,\\
Сябрам заўжды ў жыцці\\
I позіркам, і ласкай\\
Свяці, свяці, свяці!

 


===== Падобныя старонкі =====
  * [[творы/якуб-колас/якуб-колас-усход-сонца]]
  * [[творы/васіль-вітка/васіль-вітка-хто-памагае-сонцу]]
  * [[ibdc.ped>сонца-не-стаіць-на-месцы]]
  * [[ibdc.ped>гімн-жыццю]]
  * [[творы/эдзі-агняцвет/эдзі-агняцвет-галоўны-дворнік]]