~~META:
title = Пятрусь Макаль — Два кубкі
&keywords = кубак
&abstract = Чытаць верш Петруся Макаля "Два кубкі"
&iftrue = nan
~~

====== Пятрусь Макаль — Два кубкі ======
Побач з кубкам шчасця на стале\\
Бог паставіў кубак,

поўны гора.

Пенаю адсвечвалі ў імгле\\
Па суседству —

мора каля мора.

\\
Палажыўшы на плячо руку,\\
Усявышні раіў чалавеку:\\
— Пі штодзень па аднаму глытку —\\
Хопіць шчасця да сканчэння веку.\\
\\
I да незвычайнага пітва\\
Паспяшаўся сын зямлі прыпасці.\\
Ледзь пакаштаваў —

і галава

Крута закружылася ад шчасця.\\
\\
I зусім забыўшы пра наказ,\\
I нібы зрываючыся з кручы,\\
Выпіў ён салодкі вір ураз,\\
Асушыў да дна бакал шыпучы.\\
\\
Але піць няўтольная душа\\
Неадольна зноў і зноў прасіла.\\
Смага, ледзьве чутная спярша,\\
Забрадзіла, як сляпая сіла.\\
\\
Сп’яна не разгледзеўшы бяды,\\
Сын зямлі

прыгубіў кубак гора...

Так перамяшаліся тады\\
Шчасце з горам, нібы з морам мора.\\
\\
Поплеч з чалавекам з той пары,\\
Дзе яго ні кіпе падарожжа,\\
Ходзяць два варожыя віры,—\\
Хто, скажыце, іх развесці можа?

 


===== Падобныя старонкі =====
  * [[творы/пятрусь-макаль/пятрусь-макаль-роднае-слова]]
  * [[творы/пятрусь-макаль/пятрусь-макаль-смак-яблыка]]
  * [[творы/пятрусь-макаль/творчасць-петруся-макаля]]
  * [[творы/пятрусь-макаль/пятрусь-макаль-поле-поле]]
  * [[творы/пятрусь-макаль/пятрусь-макаль-табе-бацькоўская-зямля]]