~~META:
title = Пятрусь Макаль — Голас вечнага хлопчыка
&keywords = песні, хлопчык, вечны, равеснік, ляцелі
&abstract = Верш Петруся Макаля "Голас вечнага хлопчыка"
&iftrue = nan
~~

====== Пятрусь Макаль — Голас вечнага хлопчыка ======
Я – з грознай былі,\\
Я – з гнеўнай песні.\\
Я – хлопчык вечны,\\
Я – ваш равеснік.\\
\\
Мяне таксама\\
Бацькі любілі,\\
Але чужынцы\\
Мяне забілі.\\
\\
Ляцелі ў дыме,\\
Ляцелі ў гуле\\
Наперагонкі\\
Са мною кулі!\\
\\
Хоць бег я хутка, –\\
Аж дых займала, –\\
Усё-ткі куля\\
Мяне дагнала...\\
\\
Вам пакідаю\\
І ўзлёт, і песні\\
Я, вечны хлопчык,\\
Я, ваш равеснік.

 


===== Падобныя старонкі =====
  * [[творы/янка-купала/янак-купала-хлопчык-і-лётчык]]
  * [[творы/клаўдзія-каліна/клаўдзія-каліна-хлопчык-пакідайчык]]
  * [[творы/пятрусь-макаль/творчасць-петруся-макаля]]
  * [[творы/авяр-ян-дзеружынскі/авяр-ян-дзеружынскі-бусел-і-хлопчык]]
  * [[творы/уладзімір-дубоўка/уладзімір-дубоўка-праўдзівы-хлопчык]]