~~META:
title = Пятрусь Макаль — Бялее снег пушысты
&keywords = адкуль, нясем
&abstract = Чытаць верш Петруся Макаля "Бялее снег пушысты"
&iftrue = nan
~~

====== Пятрусь Макаль — Бялее снег пушысты ======
Бялее снег пушысты.\\
Сняжынкі навакол,\\
Нібы парашутысты,\\
Спускаюцца на дол.\\
\\
Ад гэткай прыгажосці\\
Скакаць і пець хачу.\\
– Адкуль, адкуль вы, госці? –\\
Гарэзліва крычу.\\
\\
– Мы з ледзяной дзяржавы,\\
З адвечнае зімы.\\
I снежныя забавы\\
Нясём з сабою мы.\\
\\
Нясём мы бабу снежную\\
На срэбраным крыле,\\
Нясём пургу мяцежную,\\
Што скача на мятле.\\
\\
Ляцім мы ўсе здалёку.\\
Нас на зямлю з нябёс\\
Паслаў яго высокасць\\
Мароз, Чырвоны нос.

 


===== Падобныя старонкі =====
  * [[ibdc.ped>першы-снег]]
  * [[творы/казімір-камейша/казімір-камейша-першы-снег]]
  * [[ibdc.ped>першы-снег-3700]]
  * [[творы/якуб-колас/якуб-колас-першы-снег]]
  * [[творы/васіль-жуковіч/васіль-жуковіч-ляцяць-сняжынкі]]