~~META:
title = Пятрусь Броўка — Я чалавек
&keywords = чалавек
&abstract = Чытаць верш Петруся Броўкі "Я чалавек"
&iftrue = nan
~~

====== Пятрусь Броўка — Я чалавек ======
Ці пры сустрэчы, ці то ў ростань\\
Пытаюцца ўсур’ёз ці ў здзек:\\
– Ты хто такі?..\\
Адказ мой просты:\\
– Па-першае, я чалавек!\\
\\
Радзіўся я на Беларусі,\\
Так, як і ўсе, касіў, араў...\\
Ніколі пі прад кім не гнуўся,\\
Свой розум ёсць,\\
Не пазычаў.\\
\\
Уклад жыцця майго – працоўны:\\
У час заснуць, устаць з зарой.\\
Сярод людзей я памяркоўны,\\
Але і маю\\
Гонар свой!\\
\\
Не золатам хачу хваліцца,\\
Яно ж – вядома ўсім – на звод,\\
А тым магу паганарыцца,\\
Што вышай\\
Ад узнагарод:\\
\\
Руку маю байцы сціскалі.\\
Мая далонь нібы ў агні –\\
Цяплом тых рук,\\
Што сцяг трымалі\\
Яшчэ ў Кастрычніцкія дні.\\
\\
Жыву чуццём сустрэч глыбокіх,\\
Бо чую аж па гэты час\\
Сляды тых слёз яшчэ на шчоках,\\
Што слёзы\\
Клікалі ў адказ.\\
\\
Як найвялікшыя дарункі\\
Ад тых, каму заўсёды жыць,\\
Нашу на вуснах пацалункі,\\
Якім\\
Ніколі не астыць.\\
\\
Іду... А ў сэрцы след за следам\\
Кладзецца, як жыцця пячаць.\\
Я рады, што нямала зведаў,\\
Што ёсць пра што\\
I ўспамінаць.

 


===== Падобныя старонкі =====
  * [[ibdc.ped>рэкі-і-людзі]]
  * [[ibdc.ped>чалавек-і-прырода]]
  * [[творы/міхась-кавыль/міхась-кавыль-чалавек]]
  * [[творы/якуб-колас/духоўнае-багацце-чалавека-ў-паэме-новая-]]
  * [[творы/ян-баршчэўскі/ян-баршчэўскі-пра-ўваскрэсенне-душы-і-пе]]