~~META:
title = Пятрусь Броўка — Яшчэ ў дні старыя, у век наш лучынны...
&keywords = старыя, век, лучынны, слава
&abstract = "Яшчэ ў дні старыя, у век наш лучынны..." - урывак з паэмы Петруся Броўкі "Беларусь"
&iftrue = nan
~~

====== Пятрусь Броўка — Яшчэ ў дні старыя, у век наш лучынны... ======
//урывак з паэмы «Беларусь»//

\\
Яшчэ ў дні старыя, у век наш лучынны,\\
Аб горадзе Полацку слава ішла,–\\
Друкар там выдатны Георгій Скарына,\\
Што зоры, рассыпаў па роднай краіне\\
Крыштальныя словы навукі-святла;\\
\\
Нямала народаў з крыніц яго піла\\
І брала ад мудрасці вечны агонь,\\
У літарах першых знаходзячы сілу...\\
Ты слаўна, зямля, што вякам нарадзіла\\
Такога выдатнага сына свайго!\\
\\
На грудзях тваіх, як скарбніцы жывыя,\\
Чалом выплываючы з даўняй імглы,\\
Стаяць гарадзенскія гмахі сівыя,\\
Муры Навагрудчыны, вежы Сафіі\\
І замкаў Заслаўля крутыя валы.\\
\\
Аб славе народнай гамоняць зарніцы,\\
А думы яго захавалі ў сабе,\\
Як чыстыя перлы, азёры, крыніцы,\\
І неба вясёлкамі імі іскрыцца,\\
Што шлях асвятляюць яму ў барацьбе.

 


===== Падобныя старонкі =====
  * [[творы/пятрусь-броўка/пятрусь-броўка-кропля]]
  * [[творы/пятрусь-броўка/асноўныя-матывы-вобразы-і-мастацкія-асаб]]
  * [[творы/пятрусь-броўка/творчасць-петруся-броўкі]]
  * [[творы/пятрусь-броўка/пятрусь-броўка-кастусь-каліноўскі]]
  * [[творы/пятрусь-броўка/пятрусь-броўка-зямля-беларусі-урывак-з-п]]