~~META:
title = Пятрусь Броўка — Сталасць – не старасць
&keywords = сталасць
&abstract = Чытаць верш Петруся Броўкі "Сталасць – не старасць"
&iftrue = nan
~~

====== Пятрусь Броўка — Сталасць – не старасць ======
Кажуць, ты сталы таварыш.\\
Такі надышоў гадок.\\
А сталасць – гэта не старасць,\\
Сталасць – калі па жылах\\
Бунтуе творчы сок.\\
\\
Сталасць – у справе трываласць,\\
Усё – падуладна вачам.\\
Сталасць для рук – дасканаласць,\\
Сталасць – калі ты можаш\\
Зрабіць, што належыць, сам.\\
\\
Сталасць клапоціцца дбала\\
I не баіцца нягод,\\
Сталасць – прыцэл удалы,\\
Сталасць не знае хістанняў,\\
Сталасць – увысь палёт!

 


===== Падобныя старонкі =====
  * [[творы/пятрусь-броўка/творчасць-петруся-броўкі]]
  * [[творы/пятрусь-броўка/пятрусь-броўка-кастусь-каліноўскі]]
  * [[творы/пятрусь-броўка/пятрусь-броўка-кропля]]
  * [[творы/пятрусь-броўка/асноўныя-матывы-вобразы-і-мастацкія-асаб]]
  * [[творы/пятрусь-броўка/пятрусь-броўка-зямля-беларусі-урывак-з-п]]