~~META:
title = Пятрусь Броўка — Прысяга сэрцам
&keywords = жыцці
&abstract = Верш Петруся Броўкі "Прысяга сэрцам"
&iftrue = nan
~~

====== Пятрусь Броўка — Прысяга сэрцам ======
Вечна я ўдзячны жытняму хлебу,\\
Чыстай вадзе з невялічкай крыніцы,\\
Лесу зялёнаму,\\
Сіняму небу,\\
Светлай рачулцы, што ў полі бруіцца,\\
\\
Гулу кварталаў у сонца затканым,\\
Дзе я з гадамі ў жыцці гартаваўся,\\
Плошчам і вуліцам\\
Тым несціханым,\\
Дзе я з сябрамі здружыўся, пазнаўся,\\
\\
Людзям з адкрытай і шчырай душою,\\
З кім давялося ў жыцці мне сустрэцца,\\
Краю,\\
Што роднай завём мы зямлёю,\\
Што Беларуссю так люба завецца!

 


===== Падобныя старонкі =====
  * [[творы/пятрусь-броўка/творчасць-петруся-броўкі]]
  * [[творы/пятрусь-броўка/пятрусь-броўка-кастусь-каліноўскі]]
  * [[творы/пятрусь-броўка/асноўныя-матывы-вобразы-і-мастацкія-асаб]]
  * [[творы/пятрусь-броўка/пятрусь-броўка-кропля]]
  * [[творы/пятрусь-броўка/пятрусь-броўка-зямля-беларусі-урывак-з-п]]