~~META:
title = Пятрусь Броўка — Песня хлебу
&keywords = рады, ранне, хлебу, краю, дзякуй, жыць, дзень
&abstract = Чытаць верш Петруся Броўкі "Песня хлебу"
&iftrue = nan
~~

====== Пятрусь Броўка — Песня хлебу ======
Радуюць сэрца\\
Збожжа і травы.\\
Дзень мой праменны,\\
Дзень мой ласкавы.\\
\\
Водар хваёвы,\\
Сіняе неба.\\
Кожнае ранне\\
Рады я хлебу.\\
\\
Рады я ўсходам\\
Веснімі днямі\\
I як гамоніць\\
Ён каласамі.\\
\\
Рады – увосень\\
Спорыцца дбайна –\\
Медным ручайкам,\\
Што з-пад камбайна.\\
\\
Большай не маю\\
Сёння патрэбы –\\
Кожнае ранне\\
Рады я хлебу.\\
\\
Хлеб праз вітрыны\\
Кожнага кліча,\\
Сам на паліцы\\
Сеўшы як быццам.\\
\\
Ах, як прывабна\\
Ён выглядае…\\
Я перад хлебам\\
Шапку здымаю.\\
\\
Як нагляжуся,\\
Дык прыгадаю\\
Поле без краю\\
Кожнага краю;\\
\\
Тых, хто на полі\\
З лецейка ў лета…\\
Дзякуй ім, родным,\\
Дзякуй за гэта!\\
\\
З імі не ведаць\\
Гора-загубы,\\
Жыць мне цікава,\\
Жыць мне і люба!

 


===== Падобныя старонкі =====
  * [[ibdc.ped>хлеб-3612]]
  * [[ibdc.ped>вытаптаны-хлеб]]
  * [[ibdc.ped>хлеб-для-партызанаў]]
  * [[ibdc.ped>хлеб]]
  * [[творы/янка-брыль/янка-брыль-сірочы-хлеб]]