~~META:
title = Пятрусь Броўка — Надыход восені
&keywords = пасля, восень
&abstract = Чытаць верш Петруся Броўкі "Надыход восені"
&iftrue = nan
~~

====== Пятрусь Броўка — Надыход восені ======
Вось і лета сышло,\\
Адспявалі калоссі,\\
Цяжка нам заўважаць,\\
Як з’яўляецца восень.\\
\\
Непрыкметна зусім\\
Прыплыве павуцінкай,\\
Гляне жоўтым лістком\\
З-пад зялёнай хусцінкі.\\
\\
Зачаруе агнём\\
Маладзенькай рабіны,\\
На адлёце крылом\\
Памахае бусліным.\\
\\
А пасля,\\
А пасля\\
Ліст апошні сарвецца...\\
Ды не знаю, чаму\\
Ты мне, восень, па сэрцу!

 


===== Падобныя старонкі =====
  * [[творы/уладзімір-дубоўка/уладзімір-дубоўка-залатая-асенняя-раніца]]
  * [[творы/алесь-салавей/алесь-салавей-восень]]
  * [[творы/алесь-гарун/алесь-гарун-восень]]
  * [[слоўнік/восеньскія-песні]]
  * [[творы/ніна-мацяш/ніна-мацяш-восень]]