~~META:
title = Пятрусь Броўка — Кропля
&keywords = Броўка, кропля
&abstract = Чытаць верш "Кропля" Петруся Броўкі
&iftrue = nan
~~

====== Пятрусь Броўка — Кропля ======
Дождж прарваўся з ветрам\\
У спякоту,\\
Па пясках ударыў\\
Буйным шротам...\\
За адно імгненне,\\
За хвіліну\\
Перамыў лістоту на галінах,\\
Пачапіў на кожнае іглінцы\\
Па адной засмучанай\\
Слязінцы.\\
\\
Прашумеў. Суняўся.\\
Ціха стала.\\
I слязінка кожная зайграла.\\
Колькі ў кроплю\\
Фарбаў назаткана,\\
Быццам свет увесь у ёй сабраны:\\
Поле,\\
Луг,\\
Сады ўсяго пасёлка,\\
I рака,\\
I неба,\\
I вясёлка!

 


===== Падобныя старонкі =====
  * [[ibdc.ped>грыбныя-дажджы]]
  * [[творы/васіль-хомчанка/васіль-хомчанка-дождж]]
  * [[ibdc.ped>цана-дажджавой-кроплі]]
  * [[творы/васіль-зуёнак/васіль-зуёнак-сонечны-дождж]]
  * [[творы/вера-вярба/вера-вярба-дожджык]]