~~META:
title = Пятрусь Броўка — З нас кожны памыляцца можа...
&keywords = памыляцца
&abstract = Верш Петруся Броўкі "З нас кожны памыляцца можа..."
&iftrue = nan
~~

====== Пятрусь Броўка — З нас кожны памыляцца можа... ======
З нас кожны памыляцца можа,\\
На сэрцы горыч ды імжа.\\
Здаваўся сябра мне прыгожым\\
І гэткім чыстым, як сляза.\\
\\
Калі ж пазнаў бліжэй, без меры\\
Узбунтаваўся розум мой, –\\
Увесь ён з бруду і кар’еры\\
За прыгажосцю паказной.\\
\\
Я вельмі рады развітанню,\\
Але цяжар яшчэ нашу, —\\
Хаджу атручаны дазвання,\\
Бы нехта плюнуў у душу.

 


===== Падобныя старонкі =====
  * [[творы/пятрусь-броўка/асноўныя-матывы-вобразы-і-мастацкія-асаб]]
  * [[творы/пятрусь-броўка/пятрусь-броўка-кропля]]
  * [[творы/пятрусь-броўка/пятрусь-броўка-кастусь-каліноўскі]]
  * [[творы/пятрусь-броўка/творчасць-петруся-броўкі]]
  * [[творы/пятрусь-броўка/пятрусь-броўка-зямля-беларусі-урывак-з-п]]