~~META:
title = Пятрусь Броўка — Запаветнае
&keywords = бору, зрок, шчасце
&abstract = Чытаць верш Петруся Броўкі "Запаветнае"
&iftrue = nan
~~

====== Пятрусь Броўка — Запаветнае ======
Да роднай зямлі\\
Я навечна прырос\\
Карэннямі сосен усіх\\
I бяроз.\\
\\
Як вецер у буру\\
Б’е ў вокны і дах,\\
Так сэрца маё\\
Неспакойна ў грудзях.\\
\\
Як ранне вясною\\
Іскрыцца расой,\\
Так нівы я ў горы\\
Абсыпаў слязой.\\
\\
Як шчасце між бору\\
Пабачыць мой зрок, –\\
Здаецца, ўздымаюся\\
Я да аблок.\\
\\
Тады заспяваю,\\
Забыўшы бяду,\\
I, як па вясёлцы,\\
Да сонца іду.

 


===== Падобныя старонкі =====
  * [[творы/пятрусь-броўка/пятрусь-броўка-кропля]]
  * [[творы/пятрусь-броўка/пятрусь-броўка-кастусь-каліноўскі]]
  * [[творы/пятрусь-броўка/асноўныя-матывы-вобразы-і-мастацкія-асаб]]
  * [[творы/пятрусь-броўка/творчасць-петруся-броўкі]]
  * [[творы/пятрусь-броўка/пятрусь-броўка-зямля-беларусі-урывак-з-п]]