~~META:
title = Пятрусь Броўка — Восень
&keywords = восень, ходзіць, хмара
&abstract = Верш Петруся Броўкі "Восень"
&iftrue = nan
~~

====== Пятрусь Броўка — Восень ======
Ходзіць восень ў свіце шэрай,\\
З непагодных хмар сатканай,\\
Распусціла ветры-косы\\
Над палямі, над барамі...\\
Ходзіць злосная, плюецца,\\
Лісце жменямі шпурляе...\\
\\
Толькі сонца не здаецца,\\
Прабіваецца праз хмары,\\
Улагоджвае старую.\\
Дзень, другі нервуе восень,\\
А пасля паспакайнее,\\
Стане добрай і ласкавай.\\
\\
Заспявае, засмяецца,\\
Світку ўздзене залатую\\
З лісцяў вогненных кляновых;\\
У рабіне яркай шчокі,\\
І глядзяць крыніцы-вочы\\
Так задумліва на неба.\\
\\
Добра ў гэткі час на вёсцы –\\
Скрозь стагі саломы, сена\\
Восень звонкую вартуюць.\\
Дзе-нідзе агні на полі.\\
Там у прысаку гарачым\\
Бульба смачная пячэцца.\\
\\
Ходзіць восень чыстым борам\\
У сукенцы верасовай,\\
З кожным дрэўцам пагамоніць,\\
Ажно свеціцца, здаецца,\\
Мох сівы на даўніх соснах...\\
. . . . . . . . . . . . . .\\
Я сваю вітаю восень!

 


===== Падобныя старонкі =====
  * [[творы/ніна-мацяш/ніна-мацяш-восень]]
  * [[творы/алесь-гарун/алесь-гарун-восень]]
  * [[творы/алесь-салавей/алесь-салавей-восень]]
  * [[творы/уладзімір-дубоўка/уладзімір-дубоўка-залатая-асенняя-раніца]]
  * [[слоўнік/восеньскія-песні]]