~~META:
title = Пятрусь Броўка — Ах, восень, восень...
&keywords = восень
&abstract = Верш Петруся Броўкі "Ах, восень, восень..."
&iftrue = nan
~~

====== Пятрусь Броўка — Ах, восень, восень... ======
Ах, восень, восень, ты пад сонцам\\
Неапісальнай пекнаты,\\
Ты раскідаеш,\\
Як чырвонцы,\\
З кляноў барвовыя лісты.\\
Табе між сосен нібы цесна,\\
Ірвешся ўдалеч,\\
На прасцяг,\\
Вятрамі завяла ты песню\\
Па ўсіх дарогах і шляхах.\\
На правады ж панасаджала\\
Шпакоў у некалькі радоў,\\
Як быццам імі напісала\\
Жывыя ноты між слупоў.

 


===== Падобныя старонкі =====
  * [[творы/алесь-гарун/алесь-гарун-восень]]
  * [[слоўнік/восеньскія-песні]]
  * [[творы/уладзімір-дубоўка/уладзімір-дубоўка-залатая-асенняя-раніца]]
  * [[творы/алесь-салавей/алесь-салавей-восень]]
  * [[творы/ніна-мацяш/ніна-мацяш-восень]]