~~META:
title = Паўлюк Трус — Зіма
&keywords = зіма, снягі, прастор
&abstract = Верш Паўлюка Труса "Зіма"
&iftrue = nan
~~

====== Паўлюк Трус — Зіма ======
Зіма... І золкія завеі...\\
Дарогі снегам замяло.\\
Таполі ў наквеці сівеюць.\\
І нікнуць бомы за сялом.\\
\\
Як здані, белыя бярозы\\
Да болю журацца ў прастор.\\
На іх узорныя марозы\\
Чароўны выткалі узор.\\
\\
Нямая бель... Гаі... Дубровы...\\
Маўчаць за возерам стагі,\\
Згубілі вербы каляровасць,\\
А там... снягі... снягі...

снягі...

\\
Які прастор... Ў прасторы іней...\\
Я сам не ведаю, чаму\\
Люблю заснежныя раўніны\\
І беларускую зіму!\\
\\
Зіма!.. Зіма!.. Ў палях туманы...\\
Нервова плачуць палазы.\\
Бялеюць сонныя паляны\\
Ў завеях дзікае красы.\\


 


===== Падобныя старонкі =====
  * [[ibdc.ped>зімой-у-лесе]]
  * [[творы/ларыса-геніюш/ларыса-геніюш-на-каньках]]
  * [[творы/кастусь-жук/кастусь-жук-снежань]]
  * [[творы/цішка-гартны/цішка-гартны-зімовы-вечар]]
  * [[творы/кастусь-жук/кастусь-жук-беларуская-зіма]]