~~META:
title = Ніна Мацяш — Са святам
&keywords = коця, смык, падару
&abstract = Верш Ніны Мацяш "Са святам"
&iftrue = nan
~~

====== Ніна Мацяш — Са святам ======
Яшчэ на доле снег ляжыць\\
і спяць у покаўках лісточкі,\\
ды ўжо спяваюць капяжы,\\
што зімка мусіць бегчы ўпрочкі.\\
\\
Бо стукнуў-грукнуў сакавік\\
вясёлым кулачком у хату,\\
і знае нават коця Смык,\\
што веснавік прынёс нам свята.\\
\\
Смяецца сонейка ў акне,\\
грак па разоры шпацыруе,\\
і коця Смык міргае мне:\\
што сёння маме падару я?\\
\\
Я промнік сонца ёй злаўлю,\\
і кветкі падару, і вершык,\\
скажу, што я яе люблю,\\
і пацалую самай першай!

 


===== Падобныя старонкі =====
  * [[творы/васіль-вітка/васіль-вітка-свята-настаўніцы]]
  * [[творы/казімір-камейша/казімір-камейша-сакавік]]
  * [[творы/мікола-чарняўскі/мікола-чарняўскі-ёлка]]
  * [[творы/юрась-свірка/юрась-свірка-свята]]
  * [[творы/васіль-жуковіч/васіль-жуковіч-цудоўныя-святы]]