~~META:
title = Ніна Мацяш — Рукі маці
&keywords = маці
&abstract = Верш Ніны Мацяш "Рукі маці"
&iftrue = nan
~~

====== Ніна Мацяш — Рукі маці ======
Як соладка спіцца\\
У роднай хаце,\\
Калі пасцель табе\\
Слала маці.\\
\\
Як хораша ранкам\\
Прачынацца,\\
Калі да сняданка\\
Будзіць маці.\\
\\
Як рупна сонца\\
З паўдня прыпякае,\\
Нада мной узнятае\\
Матчынымі рукамі.\\
\\
Ператомлена ўздрыгваюць\\
Рукі маці:\\
Як кара, шчасце\\
Неба трымаць ім!\\
\\
На крокі твае,\\
Як на песню,\\
Галаву ўзнімаю.\\
Пакуль іх чую,\\
Мне жыць не страшна,\\
Мама.\\
\\
1977

 


===== Падобныя старонкі =====
  * [[ibdc.ped>праца-тваіх-рук]]
  * [[творы/ніна-мацяш/творчасць-ніны-мацяш]]
  * [[творы/янка-сіпакоў/янка-сіпакоў-твае-рукі]]
  * [[творы/аляксей-пысін/аляксей-пысін-рукі-бацькі]]
  * [[творы/ніна-мацяш/ніна-мацяш-бязладная-размова]]