~~META:
title = Ніна Мацяш — Незалежнасць
&keywords = Мацяш, незалежнасць
&abstract = Чытаць верш "Незалежнасць" Ніны Мацяш
&iftrue = nan
~~

====== Ніна Мацяш — Незалежнасць ======
Табе здаецца, незалежны ты,\\
Раз не са мной — недасягальны, значыць.\\
А я схілюся да рачной вады,\\
I ў ёй не мой, а твой адбітак бачу.\\
\\
Табе здаецца, вольны ты казак,\\
Калі ў пачуццях гэткі асцярожны.\\
А варта мне адно слаўцо сказаць —\\
I ўздрыгнеш ты шчасліва і трывожна.\\
\\
Калі чым насцярожыла, забудзь.\\
На незалежнасць я не пасягаю.\\
Мне б толькі твае вочы прысягалі,\\
А будзь такі, як ёсць. Ты толькі будзь!

 


===== Падобныя старонкі =====
  * [[творы/ніна-мацяш/ніна-мацяш-дажджынка]]
  * [[творы/ніна-мацяш/творчасць-ніны-мацяш]]
  * [[творы/анатоль-вялюгін/анатоль-вялюгін-на-плошчы-незалежнасці]]
  * [[творы/ніна-мацяш/ніна-мацяш-запозненаю-дзікаю-ажынай]]
  * [[творы/ніна-мацяш/ніна-мацяш-бязладная-размова]]