~~META:
title = Ніна Мацяш — Калыханка маме
&keywords = Мацяш, калыханка, мама
&abstract = Чытаць верш Ніны Мацяш "Калыханка маме"
&iftrue = nan
~~

====== Ніна Мацяш — Калыханка маме ======
Быць разам выпадае нам так мала...\\
Забудзь трывогу вечную сваю,\\
Прыляж, мая натомленая мама,\\
Як некалі ты мне, табе спяю.\\
Задрэмлюць веі над вачыма карымі —\\
Не дам упасці й парушынцы я.\\
Сустрэнься ў сне з сабой, мая ласкавая,\\
З вясной сваёю, любая мая.\\
\\
Хоць кропля з абяцанага нам маем\\
Збываецца праз мулкія гады.\\
Прыляж, мая даверлівая мама,\\
Спяю табе, як мне спявала ты.\\
Задрэмлюць веі над вачыма карымі —\\
Не дам упасці й парушынцы я.\\
Сустрэнься ў сне з сабой, мая ласкавая,\\
З вясной сваёю, любая мая.\\
\\
Любоў нябёсы над табой трымае,\\
Любоўю зораць дні ў тваім акне.\\
Прыляж, мая усмешлівая мама,\\
Спяю табе, як ты спявала мне.\\
Задрэмлюць веі над вачыма карымі —\\
Не дам упасці й парушынцы я.\\
Сустрэнься ў сне з сабой, мая ласкавая,\\
З вясной сваёю, любая мая.

 


===== Падобныя старонкі =====
  * [[творы/ніна-мацяш/ніна-мацяш-запозненаю-дзікаю-ажынай]]
  * [[творы/ніна-мацяш/ніна-мацяш-незалежнасць]]
  * [[творы/ніна-мацяш/ніна-мацяш-дажджынка]]
  * [[творы/ніна-мацяш/ніна-мацяш-бязладная-размова]]
  * [[творы/ніна-мацяш/творчасць-ніны-мацяш]]