~~META:
title = Ніна Мацяш — Запозненаю дзікаю ажынай...
&keywords = Мацяш, дзікая, ажына
&abstract = Чытаць верш Ніны Мацяш "Запозненаю дзікаю ажынай..."
&iftrue = nan
~~

====== Ніна Мацяш — Запозненаю дзікаю ажынай... ======
Запозненаю дзікаю ажынай\\
Узаемнасць наша дзёрзка расцвіла.\\
Мы ж бачылі,\\
Што лучная сцяжына\\
Па-за шляхамі нашымі была.\\
\\
Мы ж разумелі,\\
Што блакітнай грывай\\
Праменны далягляд\\
Не нас\\
Заве.\\
І ўсё-ткі безразважна,\\
Як з абрыва,\\
Зрываліся ў наш\\
Невымоўны верш.\\
\\
«Чакай. Кахай».\\
Кахаю.\\
І чакаю.\\
На самаце.\\
Сярод людзей.\\
Цяпер\\
Само паветра дасканала знае,\\
Як ім балюча дыхаць\\
Без цябе.\\
\\
1978

 


===== Падобныя старонкі =====
  * [[творы/ніна-мацяш/ніна-мацяш-калыханка-маме]]
  * [[творы/ніна-мацяш/ніна-мацяш-дажджынка]]
  * [[творы/ніна-мацяш/ніна-мацяш-бязладная-размова]]
  * [[творы/ніна-мацяш/ніна-мацяш-незалежнасць]]
  * [[творы/ніна-мацяш/творчасць-ніны-мацяш]]