~~META:
title = Ніна Мацяш — Голас чацвёртай
&keywords = гаварыць, небам, душою, гудуць
&abstract = Чытаць верш Ніны Мацяш "Голас чацвёртай"
&iftrue = nan
~~

====== Ніна Мацяш — Голас чацвёртай ======
Усё гудуць на земным доле,\\
Гудуць пякельныя віры...\\
Хацела аднаго ад долі:\\
Душою з небам гаварыць.\\
\\
...Ні ў кім, ні ў чым не паўтарыцца.\\
Скіпела ў слёзку – і няма...\\
Такому толькі там забыцца,\\
Дзе памяць знішчана сама.\\
\\
Зноў сад магутна раскашуе\\
На попеле і на крыві.\\
Адно мяне, бярозку тую\\
Чацвёртую –

не ажывіць.

\\
Калі ад душ кара адстане?\\
Крычы, мой лёс, пячы, шчымі,\\
Каб людзі ў шматмільярдным стане\\
Нарэшце зваліся людзьмі!\\
\\
1983\\
\\


Крыніца: Ніна Мацяш. Душою з небам гаварыць: Выбраная лірыка. – Мн.: Маст. літ., 1999. – 462 с. – (Беларуская паэзія XX стагоддзя).

 


===== Падобныя старонкі =====
  * [[творы/ніна-мацяш/творчасць-ніны-мацяш]]
  * [[творы/ніна-мацяш/ніна-мацяш-незалежнасць]]
  * [[творы/ніна-мацяш/ніна-мацяш-бязладная-размова]]
  * [[творы/ніна-мацяш/ніна-мацяш-запозненаю-дзікаю-ажынай]]
  * [[творы/ніна-мацяш/ніна-мацяш-дажджынка]]