~~META:
title = Ніна Мацяш — Белаазёрск
&keywords = Белаазёрск
&abstract = Чытаць верш Ніны Мацяш "Белаазёрск"
&iftrue = nan
~~

====== Ніна Мацяш — Белаазёрск ======
Ці бачыў ты хоць раз Белаазёрск,\\
Калі на дахі мякка ноч прысядзе,\\
Павее казкай ад старых азёр\\
I пойдуць песні поруч па абсадзе?\\
\\
Тады глядзіш на родны, любы кут\\
I цэлы свет гатоў у сведкі клікаць:\\
Ці столькі зор насыпалася тут\\
На дол з каўша Мядзведзіцы Вялікай,\\
Ці гэта ў небе, бы ў люстэрку тым,\\
Адбітак зыркі ўсіх агнёў Палесся?..\\
\\
Белаазёрск мой, сон мой залаты,\\
Мая

яшчэ не складзеная

песня!

\\
1962\\


\\
Крыніца: Ніна Мацяш. Душою з небам гаварыць: Выбраная лірыка. – Мн.: Маст. літ., 1999. – 462 с. – (Беларуская паэзія XX стагоддзя).

 


===== Падобныя старонкі =====
  * [[творы/ніна-мацяш/ніна-мацяш-бязладная-размова]]
  * [[творы/ніна-мацяш/ніна-мацяш-незалежнасць]]
  * [[творы/ніна-мацяш/творчасць-ніны-мацяш]]
  * [[творы/ніна-мацяш/ніна-мацяш-дажджынка]]
  * [[творы/ніна-мацяш/ніна-мацяш-запозненаю-дзікаю-ажынай]]