Гэта старая версія дакумента!

Ніна Мацяш — Агеньчык

На акне маім вазон,
«Агеньчыкам» завецца ён.

Я вазон той даглядаю,
Пыл сціраю, паліваю.

I расце ён, і расце,
Аж палае – так цвіце.

Кветкі, як жарыначкі,
Гараць на ўсіх галіначках.

I дома ўсе, і з вуліцы
«Агеньчыкам» любуюцца.

Заўтра гэтую красу
Я бабулі аднясу.

Каб святлей жылося ёй,
Падару «агеньчык» мой.

Падобныя старонкі

ніна-мацяш/творчасць-ніны-мацяш
ніна-мацяш/ніна-мацяш-бязладная-размова
ніна-мацяш/ніна-мацяш-дажджынка
ніна-мацяш/ніна-мацяш-незалежнасць
ніна-мацяш/ніна-мацяш-запозненаю-дзікаю-ажынай