~~META:
title = Ніл Гілевіч — І ўсё-такі дойдзем!..
&keywords = беларусі, ідзем, крычым, дойдзем
&abstract = Чытаць верш Ніла Гілевіча "I ўсё-такі дойдзем!.. " ("Шлях да Беларусі")
&iftrue = nan
~~

====== Ніл Гілевіч — І ўсё-такі дойдзем!.. ======
Шлях да Беларусі

\\
За векам век плыве-цячэ,\\
А мы ідзем, ідзем... I што ж?\\
О, як далёка нам яшчэ\\
Да Беларусі!\\
\\
Ужо няўсцерп нам крыж пакут,\\
I мы крычым, крычым, але –\\
Не дакрычаліся пакуль\\
Да Беларусі.\\
\\
А можа быць, яна – міраж,\\
I ўсе мы трызнім? Бо чаму ж\\
Не далятае голас наш\\
Да Беларусі?\\
\\
Відаць, пракляцця знак ляжыць\\
На нас ад роду, і таму\\
Так цяжка шлях нам церабіць\\
Да Беларусі.\\
\\
Равуць вятры, грымяць грамы,\\
Пыл засціць вочы нам, і ўсё ж,\\
I ўсё ж мы дойдзем, дойдзем мы\\
Да Беларусі!..

 


===== Падобныя старонкі =====
  * [[творы/ніл-гілевіч/матывы-і-вобразы-паэзіі-ніла-гілевіча]]
  * [[постаці/ніл-гілевіч]]
  * [[творы/ніл-гілевіч/ніл-гілевіч-родныя-дзеці-гдз]]
  * [[творы/ніл-гілевіч/ніл-гілевіч-лодачкі]]
  * [[творы/ніл-гілевіч/грамадзянская-і-медытатыўная-лірыка-ніла]]