~~META:
title = Ніл Гілевіч — Ёсць зямля…
&keywords = зямля
&abstract = Чытаць верш "Ёсць зямля…" Ніла Гілевіча
&iftrue = nan
~~

====== Ніл Гілевіч — Ёсць зямля… ======
Ёсць зямля — прыгажэйшая ў свеце, магчыма.\\
Я, прынамсі, не ведаю гэткай другой —\\
Каб і з чыстымі, як у дзіцяці, вачыма\\
І з даверлівай, як у дзіцяці, душой.\\
\\
Але й горш невядома за што пакаранай,\\
Горш бяздольнай, нялюбай і гнанай з сям’і,\\
Болей крыўджанай лёсам, людзьмі пагарджанай, —\\
Я таксама не знаю на свеце зямлі.\\
\\
Люты 1997 г.

 


===== Падобныя старонкі =====
  * [[творы/ніл-гілевіч/матывы-і-вобразы-паэзіі-ніла-гілевіча]]
  * [[творы/ніл-гілевіч/грамадзянская-і-медытатыўная-лірыка-ніла]]
  * [[творы/ніл-гілевіч/ніл-гілевіч-лодачкі]]
  * [[постаці/ніл-гілевіч]]
  * [[творы/ніл-гілевіч/ніл-гілевіч-родныя-дзеці-гдз]]