~~META:
title = Ніл Гілевіч — Цуд тварыўся – я праспаў...
&keywords = снег, цуд
&abstract = Чытаць верш Ніла Гілевіча "Цуд тварыўся – я праспаў..."
&iftrue = nan
~~

====== Ніл Гілевіч — Цуд тварыўся – я праспаў... ======
Цуд тварыўся – я праспаў:\\
Снег дасвеццем перапаў\\
Рана-рана.\\
\\
І ляжыць ён на дварах,\\
На парканах, на дрывах –\\
Чысты-чысты.\\
\\
Для гасцей абрус у нас\\
Сцелюць гэтакі якраз\\
Белы-белы.\\
\\
Счараваў вяскоўцаў снег:\\
Хоць бы слова, крык ці смех, –\\
Ціха-ціха.\\
\\
Моўчкі й я стаю ў цішы,\\
І так лёгка на душы,\\
Светла-светла…\\
\\
1960

 


===== Падобныя старонкі =====
  * [[постаці/ніл-гілевіч]]
  * [[творы/ніл-гілевіч/грамадзянская-і-медытатыўная-лірыка-ніла]]
  * [[творы/ніл-гілевіч/ніл-гілевіч-родныя-дзеці-гдз]]
  * [[творы/ніл-гілевіч/матывы-і-вобразы-паэзіі-ніла-гілевіча]]
  * [[творы/ніл-гілевіч/ніл-гілевіч-лодачкі]]