~~META:
title = Ніл Гілевіч — У лузе
&keywords = цыбаты, кветак, букет, светку
&abstract = Верш Ніла Гілевіча "У лузе"
&iftrue = nan
~~

====== Ніл Гілевіч — У лузе ======
Колькі кветак ля ракі!\\
Сінія, як вочкі,\\
Незабудкі і браткі,\\
Смолкі і званочкі.\\
\\
І мядунка, і герань,\\
Слёзкі, мята, кашка!\\
Сто букетаў назбіраць\\
Тут за дзень няцяжка.\\
\\
Паміж кветак, у траве,\\
Не разгледзець Светку:\\
Толькі бант на галаве\\
Мільганецца зрэдку.\\
\\
Рве па кветачцы адной,\\
Выбірае з густам.\\
Нечакана для самой\\
Напаткала бусла!\\
\\
Не спалохаўся ані\\
Прыгажун цыбаты:\\
Хоць за дзюбу пацягні\\
І вядзі дахаты.\\
\\
– Я ж цябе не зачаплю,\\
Мілы, добры бусел,\\
Я сабе букет раблю,\\
Вось ён – палюбуйся!\\
\\
А цыбаты – хоць бы што!\\
І не чуе Светку!\\
Можа быць, дзяўчынку ён\\
Палічыў за кветку?

 


===== Падобныя старонкі =====
  * [[ibdc.ped>колер-кветак]]
  * [[ibdc.ped>японская-ружа]]
  * [[ibdc.ped>дзіўныя-кветкі]]
  * [[ibdc.ped>водар-дзядоўніку]]
  * [[ibdc.ped>васількі]]