~~META:
title = Ніл Гілевіч — У завіруху
&keywords = ферма, хлопец, сцёпка, дзед, хата, янка, белы
&abstract = Верш Ніла Гілевіча "У завіруху"
&iftrue = nan
~~

====== Ніл Гілевіч — У завіруху ======
– Што за холад на двары! –\\
кажа Сцёпку дзед стары. –\\
Лепш зусім не піць, не есці,\\
толькі б з хаты, брат, не лезці!..\\
\\
Раптам – стук у сенцах клямка.\\
На парозе – сябар Янка.\\
Сам маленькі, нібы кнопка.\\
– Ты чаго? – спытаўся Сцёпка.\\
\\
– Сходзім, Сцёпачка, на ферму.\\
Паглядзім трусоў, праверым,\\
можа, з раніцы яны\\
і не кормлены ані?\\
\\
Раз умелі слова даць,\\
Дык жа трэба даглядаць…\\
\\
Хлопцы выскачылі з хаты –\\
вецер пылам снегавым\\
сыпануў у твары ім.\\
Навакол віхрыў заўзята,\\
слаўся, рваўся белы дым.\\
\\
То прамчыцца ўдаль са свістам,\\
то закружыцца і ўверх\\
шугане віхор імглісты,\\
то падхопіць з гурбы снег.\\
\\
– Вось і ферма! – крыкнуў Янка.\\
Хлопцам стала весялей.\\
Каля фермы бразгаў клямкай\\
сам загадчык Панцялей.\\
\\
Хлопцы дзеда прывіталі,\\
той здзівіўся хлапчукам:\\
– Гэткай сцюжаю дапялі,\\
значыць, моцна рупіць вам.\\
\\
Я і то прыйшоў ледзь з духам, –\\
у здзіўленні кажа дзед…\\
А ў полі завіруха\\
засцілала белы свет.

 


===== Падобныя старонкі =====
  * [[творы/эдзі-агняцвет/эдзі-агняцвет-галоўны-дворнік]]
  * [[ibdc.ped>бура]]
  * [[творы/сяргей-грахоўскі/сяргей-грахоўскі-зімовы-сум]]
  * [[творы/міхась-чарот/міхась-чарот-завіруха]]
  * [[творы/алесь-гарун/алесь-гарун-завіруха]]