~~META:
title = Ніл Гілевіч — Тут, між гэтых пагоркаў, у гэтых барах і дубровах...
&keywords = мова
&abstract = Верш Ніла Гілевіча "Тут, між гэтых пагоркаў, у гэтых барах і дубровах..."
&iftrue = nan
~~

====== Ніл Гілевіч — Тут, між гэтых пагоркаў, у гэтых барах і дубровах... ======
Тут, між гэтых пагоркаў, у гэтых барах і дубровах,\\
Каля гэтых азёраў і рэк, каля гэтых крыніц,\\
Узышла і ўзрасла на вякі наша родная мова –\\
І ніякай інакшай яе немагчыма ўявіць.\\
\\
Кожным гукам і словам – па каліўцу – тут прарастала\\
Разам з кожнай травінкай і зёлкай – найменнямі іх.\\
Што ж за дзіва, што нашай душой неўміручаю стала?\\
Мы ж і самі ўзышлі і ўзраслі тут з глыбінь векавых!

 


===== Падобныя старонкі =====
  * [[слоўнік/няўласна-простая-мова]]
  * [[слоўнік/мова-мастацкай-літаратуры]]
  * [[слоўнік/аўтарская-мова]]
  * [[слоўнік/вершаваная-мова]]
  * [[слоўнік/літаратурная-мова]]