Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Ніл Гілевіч — Лірычны каментарый да нашага радаслоўя
&keywords = зямлі
&abstract = Чытаць верш Ніла Гілевіча "Лірычны каментарый да нашага радаслоўя"
&iftrue = nan
~~

====== Ніл Гілевіч — Лірычны каментарый да нашага радаслоўя ======
Мы ўзышлі не з насення, што ветрам занесена, –\\
Мы не дзікай травы самарослыя парасткі.\\
У глыбінях зямлі, гераічнай і песеннай,\\
Нашых душ карані – з вузлякамі упартасці.\\
\\
Сокам вотчынных гоняў ад роду мы ўспоены,\\
Сонцам родных нябёс мы з маленства аблашчаны,\\
Як асілкі-дубы над дняпроўскімі поймамі –\\
Паяднаныя часам нашчадкі і прашчуры.\\
\\
Мы на золку далёкім ардзе не скарыліся,\\
Славай Грунвальда выйшлі ў вялікія ратнікі.\\
Нас будзіў да святла стук друкарань скарынінскіх.\\
Да братоў мы гарнуліся сэрцамі братнімі.\\
\\
Каліноўскі дарэшты пазбавіў нас кволасці –\\
Веру-мужнасць сваю завяшчаў нам з-пад вісельні.\\
З гнеўнай лірай Купалы і з эпасам Коласа\\
Мы спазналі сябе і свой голас узвысілі.\\
\\
Гэтай повязі кроўнай, якой мы прывязаны\\
Да бацькоўскай зямлі, не парвуць, не растурзаюць\\
Аніякія буры-вятры непрыязныя –\\
Нашы сэрцы ад іх толькі больш загартуюцца!\\
\\
I як вечна вясне святкаваць тут агледзіны,\\
Мовай радасці з долам і небам гамонячы, –\\
Так і нам у вяках тут, з братамі-суседзямі,\\
Жыць і верыць у лёс незахмарана-сонечны.

 


===== Падобныя старонкі =====
  * [[ibdc.ped>аддаленасць]]
  * [[аналіз-і-крытыка/постаці-далёкай-мінуўшчыны]]
  * [[творы/іншае/сучасная-літаратура-беларусі/тэма-гістарычнага-мінулага-беларусі-ў-су]]
  * [[аналіз-і-крытыка/па-старонках-твораў-пра-мінулае]]
  * [[ibdc.ped>сведкі-мінулага]]