~~META:
title = Ніл Гілевіч — Кулінарна-музычная залежнасць
&keywords = прыемна
&abstract = Чытаць верш Ніла Гілевіча "Кулінарна-музычная залежнасць"
&iftrue = nan
~~

====== Ніл Гілевіч — Кулінарна-музычная залежнасць ======
//Парада для музыкантаў//\\
\\
Пад’еўіпы кашы картаплянай,\\
Прыемна граць на фартэп’яне,\\
А насадзіўшыся каўбас,\\
Прыемна стаць за кантрабас!\\
\\
Схаваўшы скварку за губой,\\
Прыемна ў губы ўзяць габой,\\
Але калі ўжо з’еў філей ты —\\
То лепш прыгубіцца да флейты.\\
\\
Калі ты дробную еў рыбку,\\
То вельмі добра ўцяць у скрыпку\\
Калі ж аддаў пашану карпу —\\
То лепш, вядома, стаць за арфу.\\
\\
Умяўшы мяса кавал добры,\\
Прыемна вельмі граць на домры,\\
Калі ж ты груцы ўпёр саган —\\
Загрукай лепш у барабан!\\
\\
\\
1971

 


===== Падобныя старонкі =====
  * [[творы/ніл-гілевіч/матывы-і-вобразы-паэзіі-ніла-гілевіча]]
  * [[творы/ніл-гілевіч/ніл-гілевіч-родныя-дзеці-гдз]]
  * [[творы/ніл-гілевіч/ніл-гілевіч-лодачкі]]
  * [[творы/ніл-гілевіч/грамадзянская-і-медытатыўная-лірыка-ніла]]
  * [[постаці/ніл-гілевіч]]