~~META:
title = Ніл Гілевіч — Конік у палоне
&keywords = конік, хлопчык
&abstract = Чытаць верш Ніла Гілевіча "Конік у палоне"
&iftrue = nan
~~

====== Ніл Гілевіч — Конік у палоне ======
Хлопчык коніка злавіў\\
У траве на ўзлессі.\\
Дома ў шклянку пасадзіў:\\
– Ну, спявай мне песні!\\
\\
На лужку я чуў цябе\\
Хораша стракочаш!\\
Што ж маўчыш? Чаму цяпер\\
Стракатаць не хочаш?\\
\\
Бедны конік, бы ў турме,\\
Цеснай і закрытай,\\
Ціха шкрабае па дне –\\
Нібы кажа з крыўдай:\\
\\
– Сумна мне тут без сяброў\\
Аднаму ў палоне,\\
Адпусці мяне дамоў –\\
У прастор зялёны.\\
\\
І прыходзь тады гуляць\\
На лужок мурожны:\\
Буду я табе спяваць\\
Дзень і вечар кожны.

 


===== Падобныя старонкі =====
  * [[творы/ніл-гілевіч/матывы-і-вобразы-паэзіі-ніла-гілевіча]]
  * [[творы/ніл-гілевіч/грамадзянская-і-медытатыўная-лірыка-ніла]]
  * [[творы/эдзі-агняцвет/эдзі-агняцвет-конь-і-конік]]
  * [[постаці/ніл-гілевіч]]
  * [[творы/змітрок-бядуля/змітрок-бядуля-гэй-мой-конік]]