~~META:
title = Ніл Гілевіч — Жыта, сосны і валуны
&keywords = валуны, сосны, жыта
&abstract = Чытаць верш Ніла Гілевіча "Жыта, сосны і валуны"
&iftrue = nan
~~

====== Ніл Гілевіч — Жыта, сосны і валуны ======
Дзе па роднай зямлі ні крочыў –\\
Скрозь – ад Прыпяці да Дзвіны –\\
Перш за ўсё мне ласкалі вочы\\
Жыта, сосны і валуны.\\
\\
Дзе ў далёкіх маіх вандроўках\\
Я ні сніў аб Радзіме сны –\\
Паўставалі ў іх зноў і зноўку:\\
Жыта, сосны і валуны.\\
\\
І па самай высокай мерцы\\
Мне ўжо ясна, што да труны\\
Данясу я не шмат у сэрцы:\\
Жыта, сосны і валуны.\\
\\
О, сябры! Калі нешта значыць\\
Мой усім вам паклон зямны –\\
Хай і цень мой з пагорка бачыць\\
Жыта, сосны і валуны.

 


===== Падобныя старонкі =====
  * [[ibdc.ped>бяскрайні-прастор]]
  * [[творы/алесь-бачыла/алесь-бачыла-ціха-сосны-шумяць]]
  * [[творы/іван-пташнікаў/іван-пташнікаў-тры-пуды-жыта]]
  * [[ibdc.ped>прыпар]]
  * [[творы/эдзі-агняцвет/эдзі-агняцвет-хлеб]]