Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Ніл Гілевіч — Ах, якая над Гайнай купальская ноч!..
&keywords = гайнай, агні, раскладайце, купальская, ноч
&abstract = Чытаць верш Ніла Гілевіча "Ах, якая над Гайнай купальская ноч!.."
&iftrue = nan
~~

====== Ніл Гілевіч — Ax, якaя нaд Гaйнaй кyпaльcкaя нoч!.. ======
Ах, якая над Гайнай купальская ноч!\\
Самы раз бы шукаць кветку-папараць,\\
Самы раз уплятаць летуценні ў вянок,\\
Самы раз белы корань выкапываць!\\
\\
Ды ні гуку над Гайнай – пад цёмным шатром.\\
Толькі зоркі – як вочкі Купаліны.\\
Дзе ж вы, хлопцы, дзяўчаты? Чаму за сялом,\\
Над ракою, агні не запалены?\\
\\
Раскладайце, паліце Купалля агні!\\
Не затым, каб ускрэсла мінуўшчына,\\
А каб лепей убачыць наступныя дні,\\
Да вытокаў душой дакрануўшыся...\\
\\
Раскладайце агні – хай плывуць па рацэ,\\
Можа, ў зыркім святле іх вы ўгледзіце\\
Постаць Янкі Купалы з кійком у руцэ –\\
Запрасіце яго прысуседзіцца!\\
\\
Ён вас, пэўна, папросіць «Каліну» спяваць\\
І, напэўна, ад слёз не стрымаецца,\\
Скажа: «Ах жа, якое купаллейка ў вас!\\
Ах, якую вы спадчыну маеце!..»\\
\\
1970

 


===== Падобныя старонкі =====
  * [[творы/янка-купала/янка-купала-заклятая-кветка]]
  * [[творы/ніл-гілевіч/матывы-і-вобразы-паэзіі-ніла-гілевіча]]
  * [[ibdc.ped>купалле]]
  * [[ibdc.ped>купальскі-абрад]]
  * [[творы/янка-купала/янка-купала-у-купальскую-ноч]]