~~META:
title = Міхась Чарот — Моладзь
&keywords = Чарот, моладзь
&abstract = Чытаць верш "Моладзь" Міхася Чарота
&iftrue = nan
~~

====== Міхась Чарот — Моладзь ======
Дзецям будучай камуны\\
Сонца ясна шле прамень,\\
Песню славы граюць струны,\\
Іх вітае новы дзень.\\
\\
Хто пажар затушыць ў свеце,\\
Што шугае да нябёс?\\
Толькі вы, камуны дзеці,\\
Вас чакае лепшы лёс.\\
\\
Хто тварэц жыцця людскога,\\
Волі, шчасця, пекнаты?\\
Хто кладзе к жыццю дарогу?\\
Ведай, моладзь, гэта — ты!\\
\\
1920

 


===== Падобныя старонкі =====
  * [[творы/міхась-чарот/міхась-чарот-звон]]
  * [[творы/міхась-чарот/міхась-чарот-вясенняя-раніца]]
  * [[творы/міхась-чарот/міхась-чарот-босыя-на-вогнішчы]]
  * [[постаці/міхась-чарот]]
  * [[творы/міхась-чарот/міхась-чарот-песня-беларуса]]