~~META:
title = Міхась Кавыль — Яшчэ снягоў не выкіпела пена...
&keywords = яшчэ, спрасоння
&abstract = Міхась Кавыль - Яшчэ снягоў не выкіпела пена...
&iftrue = nan
~~

====== Міхась Кавыль — Яшчэ снягоў не выкіпела пена... ======
Яшчэ снягоў не выкіпела пена,\\
Вятры ільдзінак зорных не змялі,\\
А ўжо бруіцца па бярэзін венах\\
Прыглушаная музыка зямлі.\\
\\
Шпурнуўшы ў сінь праменне-камертоны,\\
Гарыць агнём няўрымсным дырыжор.\\
Яшчэ часіна – пяруноў трамбоны\\
Удараць марш вясновы з рэ-мажор.\\
\\
Лясы спрасоння зашумяць: “Дзе лісце?”\\
Зямля нап’ецца сонца і вады.\\
Паймчацца рэчкі ў эстафэтны высціг,\\
У белай радасці закружацца сады...\\
\\
19. II. 1963

 


===== Падобныя старонкі =====
  * [[творы/міхась-кавыль/міхась-кавыль-санет]]
  * [[постаці/міхась-кавыль]]
  * [[творы/міхась-кавыль/жыццёвы-і-творчы-шлях-міхася-кавыля]]
  * [[творы/міхась-кавыль/міхась-кавыль-просьба]]
  * [[творы/міхась-кавыль/міхась-кавыль-сібір]]