~~META:
title = Міхась Кавыль — Сібір
&keywords = Сібір, халодная, магіла, мачыха, забыць, сілы
&abstract = Чытаць верш Міхася Кавыля "Сібір"
&iftrue = nan
~~

====== Міхась Кавыль — Сібір ======
Сібір, Сібір – халодная магіла,\\
Забыць цябе няма ніякай сілы,\\
Старая ведзьма, мачыха мая!\\
\\
Ой, колькі ты людзей акасцяніла,\\
А колькі іх, зняможаных, пахілых,\\
Ў чарзе над ямай чорнаю стаяць?!\\
\\
Яны стаяць, цякуць іх рэчкай слёзы,\\
Іх ледзяняць траскучыя марозы\\
Ды джгае вецер, лютая змяя...\\
\\
Сібір, Сібір – халодная магіла,\\
Забыць цябе няма ніякай сілы,\\
Старая ведзьма, мачыха мая!\\
\\
Новасібірск, 1934

 


===== Падобныя старонкі =====
  * [[творы/міхась-кавыль/жыццёвы-і-творчы-шлях-міхася-кавыля]]
  * [[творы/міхась-кавыль/міхась-кавыль-просьба]]
  * [[творы/міхась-кавыль/міхась-кавыль-ідзі-ідзі]]
  * [[постаці/міхась-кавыль]]
  * [[творы/міхась-кавыль/міхась-кавыль-санет]]