~~META:
title = Міхась Кавыль — Настальгія
&keywords = настальгія, бялеюць
&abstract = Чытаць верш Міхася Кавыля "Настальгія"
&iftrue = nan
~~

====== Міхась Кавыль — Настальгія ======
Ці пішу штось, ці ў хоры спяваю, –\\
Спражыць сэрца маё настальгія:\\
Бачу вобразы роднага краю,\\
Незабыўныя, дарагія...\\
\\
Вунь, пад Лысай Гарою матуля\\
Раз-параз нахіляецца ў жыце...\\
Там і сёстраў бялеюць кашулі,\\
А над імі жаўрук у блакіце...\\
\\
Случ сінявыя хвалі калыша,\\
Із вады выстаўляе лілеі.\\
Ў садзе россып вішнёвая вішань,\\
I антонаўкі ў лісцях бялеюць...\\
\\
Падканвойны на рэчцы Усуры\\
Нахіляўся бурштыну напіцца:\\
У буйных хвалях, як волава, хмурых\\
Чуў усплёскі случанскіх крыніцаў.\\
\\
Ў Альпах краскі ірваў “эдэльвейсы”,\\
Мне здавалася – йрву васілёчкі.\\
У Парыжы пад Шопэна вальсы\\
Я кружыўся, ўзіраўся у вочкі\\
\\
Мадмазэляў, а бачыў Алеську,\\
Як палескую пралеску...\\
\\
Настальгія, як здрада ў каханні,\\
Дапякае й на дзён, сумных, схіле.\\
Не дае супакою жаданне:\\
На матулі укленчыць магіле.. .\\
\\
1990

 


===== Падобныя старонкі =====
  * [[творы/міхась-кавыль/жыццёвы-і-творчы-шлях-міхася-кавыля]]
  * [[творы/міхась-кавыль/міхась-кавыль-сібір]]
  * [[творы/міхась-кавыль/міхась-кавыль-просьба]]
  * [[постаці/міхась-кавыль]]
  * [[творы/міхась-кавыль/міхась-кавыль-санет]]