~~META:
title = Міхась Кавыль — Вілянэль
&keywords = цяпер, грэшны, справядлівы, нешчаслівы
&abstract = Чытаць "Вілянэль" Міхася Кавыля
&iftrue = nan
~~

====== Міхась Кавыль — Вілянэль ======
З табою быў я справядлівы.\\
Прайшоў па сэрцы дзідай час,\\
Цяпер я грэшны, нешчаслівы.\\
\\
Ці раз я чуў твой смех глумлівы\\
I дакараў сябе ці раз.\\
З табою быў я справядлівы.\\
\\
Мяне вялі душы прылівы,\\
Святых надзей агонь не гас.\\
Цяпер я грэшны, нешчаслівы.\\
\\
Пад’юджваў юны дух гуллівы,\\
Ў распусты багне часта граз.\\
З табою быў я справядлівы.\\
\\
У сне лавіў твой цень трымслівы,\\
Насіў партрэт твой на паказ.\\
Цяпер я грэшны, нешчаслівы.\\
\\
Паблытаў сцежкі век імклівы,\\
Кахання слодыч – не для нас.\\
З табою быў я справядлівы,\\
\\
Цяпер я грэшны, нешчаслівы.\\
\\
1957

 


===== Падобныя старонкі =====
  * [[творы/міхась-кавыль/міхась-кавыль-санет]]
  * [[творы/міхась-кавыль/жыццёвы-і-творчы-шлях-міхася-кавыля]]
  * [[творы/міхась-кавыль/міхась-кавыль-сібір]]
  * [[постаці/міхась-кавыль]]
  * [[творы/міхась-кавыль/міхась-кавыль-просьба]]