~~META:
title = Міхась Кавыль — Бенгалія
&keywords = бенгалія, “дэш”, “рай”, чырвоны, сястра,бенгаліі, беларусь
&abstract = Чытаць верш Міхася Кавыля "Бенгалія"
&iftrue = nan
~~

====== Міхась Кавыль — Бенгалія ======
Бенгалія,\\
Бенгалія...\\
Не даходзіць, хоць зарэж,\\
Для чаго табе, Бенгалія,\\
Прычапілі хвосьцік “дэш”?\\
\\
Бенгалія,\\
Бенгалія...\\
Ты глядзішся ў акіян.\\
А гуляюць па Бенгаліі\\
Голад, мор і Гора-Хан...\\
\\
Бенгалія,\\
Бенгалія...\\
Беларус юнак-паэт *\\
Твае слёзы нёс, Бенгалія,\\
Із катоўні на той свет.\\
\\
Бенгалія,\\
Бенгалія...\\
Талент збыў чырвоны “рай”,\\
Бо у вобразе Бенгаліі\\
Ён аплакваў родны край.\\
\\
Бенгалія,\\
Бенгалія. . .\\
Беларусь – твая сястра,\\
I сястру тваю, Бенгалія,\\
Бог нядоляй пакараў.\\
\\
Бенгалія,\\
Бенгалія...\\
Ты парвала ланцугі,\\
А сястры тваёй, Бенгалія,\\
Сэрца сцяў ланцуг тугі.\\
\\
Бенгалія,\\
Бенгалія...\\
Не спяшы ў чырвоны “рай”,\\
Дзе пакутуе, Бенгалія,\\
Беларусь, твая сястра.\\
\\
Бенгалія,\\
Бенгалія...\\
Не румянь пажоўклы твар:\\
Няма розніцы, Бенгалія,\\
Душыць хан, ці камісар.\\
\\
Бенгалія,\\
Бенгалія.. .\\
Гуж “расейскі” не парвеш.\\
Калі згінеш як Бенгалія,\\
Не ўратуе хвосцік “дэш”.\\
\\
25. III. 1972\\


* Сяргей Астрэйка

 


===== Падобныя старонкі =====
  * [[творы/міхась-кавыль/міхась-кавыль-сібір]]
  * [[творы/міхась-кавыль/міхась-кавыль-просьба]]
  * [[творы/міхась-кавыль/жыццёвы-і-творчы-шлях-міхася-кавыля]]
  * [[постаці/міхась-кавыль]]
  * [[творы/міхась-кавыль/міхась-кавыль-санет]]