Гэта старая версія дакумента!

Мікола Чарняўскі — Спрэчка

Што за выдумшчык Сярожа
Мой сусед,
Таварыш мой!..
– Хто хутчэй стаміцца можа? –
Заспрачаўся ён са мной. –

А ці той,
Хто ляжыць,
А ці той,
Хто сядзіць?..

Спрэчка –
Тая ж трэніроўка
На цярпенне.
Так ці не?..
Я –
У крэсла ўсеўся лоўка,
Ён –
Залёг на тапчане.

Ён ляжыць,
А я сяджу,
У акно,
На двор гляджу…

Я даўно б
Схадзіў на рэчку,
Шчупака б
Прынёс дамоў,
Але як тады
Са спрэчкай?
Я ж прайграю
Без размоў!..
Змарнаваўся
Цэлы дзень
Воляю-няволяй.

Ён – ляжаў,
А я сядзеў:
Хто
Стаміўся
Болей?

Падобныя старонкі

мікола-чарняўскі/мікола-чарняўскі-вясёлка-над-полем
міхась-чарняўскі/міхась-чарняўскі-вогнепаклоннікі
мікола-чарняўскі/мікола-чарняўскі-акадэмія-на-колах
мікола-чарняўскі/мікола-чарняўскі-змайстравалі-сані
мікола-чарняўскі/мікола-чарняўскі-ёлка