~~META:
title = Мікола Чарняўскі — Пайшлі ад нас канікулы
&keywords = школа
&abstract = Чытаць верш Міколы Чарняўскага "Пайшлі ад нас канікулы"
&iftrue = nan
~~

====== Мікола Чарняўскі — Пайшлі ад нас канікулы ======
Пайшлі ад нас канікулы\\
Сцяжынкаю вясёлай.\\
За парты\\
Зноў паклікала\\
Званком прыветным\\
Школа.\\
\\
Як журавы, што з выраю\\
Дамоў ляцяць, –\\
Уранку\\
Сабраліся, шчаслівыя,\\
Мы зноў на школьным ганку.\\
\\
А школа, сонцам ззяючы\\
Як маці, сустракае:\\
– Заходзьце, Добрай раніцы!\\
Даўно я вас чакаю!\\
\\
I дзверы адчыняюцца\\
У клас –\\
У свет бяскрайні,\\
I верасень схіляецца\\
Над партай,\\
Як настаўнік.

 


===== Падобныя старонкі =====
  * [[творы/васіль-жуковіч/васіль-жуковіч-першая-настаўніца]]
  * [[творы/кастусь-жук/кастусь-жук-урок]]
  * [[творы/авяр-ян-дзеружынскі/авяр-ян-дзеружынскі-хто-вас-у-школу-сабі]]
  * [[ibdc.ped>вясковы-асветнік]]
  * [[ibdc.ped>дарога-ў-школу]]